အငွေ့အသက်
အငွေ့အသက်
ထွက်သွားတဲ့အရာတိုင်း
ပျောက်ကွယ်သွားတာ မဟုတ်ပါဘူး။
တချို့အရာတွေက
အရင်လိုမျိုး ပေါ်မလာတော့တာပဲ ရှိတာပါ။
ကိုယ်နဲ့ မသက်ဆိုင်တော့တဲ့ အခါမှာတောင်
ရင်းနှီးနေဆဲဖြစ်တဲ့
နေရာတခုလိုမျိုး။
ခဏခဏ မဖွင့်ဖြစ်ပေမဲ့
စာသားတိုင်းကို မှတ်မိနေသေးတဲ့
သီချင်းတပုဒ်လိုမျိုး။
ထုတ်မပြောဖြစ်ပေမဲ့
တစ်နည်းနည်းနဲ့
ဘယ်တော့မှ အမှန်တကယ် မှေးမှိန်မသွားတဲ့
ခံစားချက်တခုလိုမျိုး။
ဆန်းကြယ်လိုက်တာ...
ကိုယ့်ဘဝထဲမှာ
အရာတခုခုက ပြီးဆုံးသွားခဲ့ပြီးတာတောင်၊
ကိုယ့်ရင်ထဲမှာတော့
ဆက်ပြီး
ရှင်သန်နေဆဲ ဖြစ်နေတာမျိုး။
Comments
Post a Comment