အကြံပိုင်ပါပေ့ဗျား သီရိ (ဘုတလင်) ဖေါ်စပ်သည် သောကြာ စာစောင် (၁၉၆၂ ခုနှစ်၊ ဇွန်လ)
အကြံပိုင်ပါပေ့ဗျား
ကလောင်အမည်: သီရိ (ဘုတလင်) ဖေါ်စပ်သည်။
ထုတ်ဝေမှု: သောကြာ စာစောင် (၁၉၆၂ ခုနှစ်၊ ဇွန်လ)
ကျောက်သင်ပုန်းပေါ်မှ ပုစ္ဆာဆန်း
မုံရွာ အမှတ်(၁) အထက်တန်းကျောင်းတွင် နေ့စဉ်ကဖြစ်၏။ တနေ့တွင် ကျောက်သင်ပုန်းကြီး (Black Board) ပေါ်၌ မည်သူရေးထားသည်မသိရသော ဂဏန်းတပုဒ်ကို တွေ့ကြရသည်။ စျေးတွက်ထက်ပင် ဂဏန်းကိုင်များလှသော ပုစ္ဆာဖြစ်ရုံမျှမက၊ အောက်ပိုင်းတွင် (စျေးသွားသူသို့....) ဟု ညွှန်းထားလိုက်သေးသည်။
ပေးထားသော ပုစ္ဆာ၏ဂဏန်းမှာ -
( ၀၆၀၆၇၅၄၇၇၅၆၄၇၇ ) ဝယ်ခဲ့ပါတဲ့။
အတည်ပေါက်လို ရေးသားသည့် အနှီပုစ္ဆာကို ကျနော်တို့တတွေ အမျိုးမျိုး ဖတ်ကြည့်ကြသည်။ ခု၊ ဆယ်၊ ရာ၊ ထောင်၊ သောင်း၊ သိန်း၊ သန်း၊ ကုဋေ စသည်စသည်ဖြင့် ဖြစ်၏။
လူပြိန်းအမြင်နှင့် အဖြေရှာပုံ
ထိုသို့ရှိခိုက် တထောင့်တွင် ထိုင်နေသော ငနဲသားတယောက်က (သူရေးထားသလားတော့မသိ) ဟဲ့ ဟဲ့.... လုပ်ကာ -
“အမယ် ပြင်ယှိညာတွေ အဖတ်ခက်နေပြီထင်တယ်၊ ဒါလွယ်ပါတယ်ဗျာ့....။ ဝေဝေ့ကိုငမ်းနေသူ တယောက်ယောက်က ပိုင်စိုးပိုင်နင်း ရေးထားတာနေမှာ။ ကြည့်ပါလား.... ဝေဝေရေ၊ ငါးလေးရရ၊ ငါးခြောက်လေးရရ၊ ပါတဲ့.... အဟီး....ဟီး....”
အဲဒါနဲ့တွေ့ရကတည်းက ငယ်ငယ်တုန်းက ကြားဖူးခဲ့သည့် (မကရင်မ ကရင်ကမကရင်ကရင်ကြီးကရိုက်လိမ္မယ်) ဆိုတာထက်ပင် ပို၍ ရယ်ရပါတော့သည်။
Comments
Post a Comment