အရှေ့အလယ်ပိုင်းစစ်ပွဲ၏ နောက်ဆက်တွဲဂယက်ကြောင့် အာရှစားနပ်ရိက္ခာကဏ္ဍ အကျပ်အတည်းဆိုက်ခြင်း
အရှေ့အလယ်ပိုင်းစစ်ပွဲ၏ နောက်ဆက်တွဲဂယက်ကြောင့် အာရှစားနပ်ရိက္ခာကဏ္ဍ အကျပ်အတည်းဆိုက်ခြင်း
reference to NY Time story byကမ္ဘာ့ဒုတိယအကြီးဆုံး ဆန်တင်ပို့သည့် ဗီယက်နမ်နိုင်ငံသည် အရှေ့အလယ်ပိုင်းဒေသ ပဋိပက္ခများကြောင့် လောင်စာဆီနှင့် လျှပ်စစ်စျေးနှုန်းများ ထိုးတက်လာမှုဒဏ်ကို ပြင်းထန်စွာ ခံစားနေရသည်။ အီရန်နိုင်ငံတွင် ယာယီအပစ်အခတ်ရပ်စဲရေး ရရှိထားသော်လည်း ကမ္ဘာလုံးဆိုင်ရာ အစားအသောက်ဖူလုံမှုအပေါ် စိုးရိမ်မှုများမှာမူ လျော့ပါးသွားခြင်း မရှိသေးပေ။
ကုန်ကြမ်းစျေးနှုန်းမြင့်တက်မှုနှင့် ထုတ်လုပ်မှုရပ်တန့်ခြင်း
ဗီယက်နမ်နိုင်ငံ၏ ဆန်အိုးကြီးဖြစ်သော မဲခေါင်မြစ်ဝှမ်းဒေသတွင် ယခင်က စည်ကားခဲ့သော ဆန်တင်လှေများသည် ယခုအခါ အင်ဂျင်များပိတ်၍ ငြိမ်သက်နေကြသည်။ လျှပ်စစ်ခစျေးနှုန်းများ မြင့်တက်လာမှုကြောင့် ဆန်စက်ကြီးများမှာလည်း လုပ်ငန်းလည်ပတ်မှုကို ရပ်နားထားကြရသည်။
မဲခေါင်မြစ်ဝှမ်းရှိ လယ်သမားများနှင့် လှေမောင်းသမားများ၏ အဆိုအရ ဒီဇယ်စျေးနှုန်းသည် ၂၀၂၂ ခုနှစ် ယူကရိန်းစစ်ပွဲဖြစ်ပွားစဉ်ကထက် နှစ်ဆခန့် ပိုမိုမြင့်တက်နေကြောင်း သိရသည်။ အရှေ့အလယ်ပိုင်းမှ တင်သွင်းရသည့် လောင်စာဆီနှင့် ဓာတ်မြေဩဇာများ ပြတ်လပ်လာမှုကြောင့် နောင်လာမည့် စိုက်ပျိုးရာသီများအတွက်ပါ ကြီးမားသော စိန်ခေါ်မှုဖြစ်လာသည်။
"တခါတရံ အသစ်ပြန်စိုက်ဖို့ဆိုတာ ပိုက်ဆံကို မြေထဲကို ဒီအတိုင်း သွန်ချလိုက်တာနဲ့ အတူတူပါပဲ။ မစိုက်ဘဲ ထိုင်နေတာကမှ ပိုကိုက်ဦးမယ်" ဟု ဆန်စိုက်တောင်သူ ဦးဖိုမင်းတန်က ဆိုသည်။ (NY Times)
အချိန်ကား မနက်ပိုင်းသာရှိသေးသော်လည်း ကမ္ဘာ့အထွက်နှုန်းအကောင်းဆုံး စိုက်ပျိုးရေးဒေသ တခုဖြစ်သည့် မဲခေါင်မြစ်ဝှမ်း၏ သာယာတိတ်ဆိတ်မှုအတွင်း စိုးရိမ်ပူပန်မှုများစွာ ရိုက်ခတ်နေပါသည်။
ကမ္ဘာ့စားနပ်ရိက္ခာစနစ်အပေါ် သက်ရောက်မှု
ဟော်မုဇ်ရေလက်ကြား (Strait of Hormuz) ပိတ်ဆို့ကန့်သတ်မှုများကြောင့် လောင်စာဆီတင်သင်္ဘောများ ကြန့်ကြာနေရခြင်းက အောက်ပါဆိုးကျိုးများကို ဆက်တိုက်ဖြစ်ပေါ်စေနိုင်ပါသည် -
တောင်သူလယ်သမားများ စိုက်ပျိုးစရိတ် မတတ်နိုင်တော့ခြင်း။
မြေဩဇာသုံးစွဲမှု နည်းပါးသွားခြင်းကြောင့် အထွက်နှုန်းကျဆင်းခြင်း။
ကမ္ဘာ့စားနပ်ရိက္ခာစျေးနှုန်းများ မြင့်တက်လာခြင်း။
အရင်းအမြစ် ခွဲဝေမှုနှင့် ဒေသတွင်းစိန်ခေါ်မှုများ
အာရှနိုင်ငံများသည် အရှေ့အလယ်ပိုင်းမှ လောင်စာဆီနှင့် ဓာတ်မြေဩဇာအပေါ် အလွန်အမင်း မှီခိုနေရသည်။ အထူးသဖြင့် လူဦးရေ ၁၉ သန်း မှီတင်းနေထိုင်သည့် မဲခေါင်မြစ်ဝှမ်းဒေသသည် ရာသီဥတုဖော်ပြန်မှု (ရေကြီးခြင်းနှင့် ဆားငန်ရေဝင်ခြင်း) ဒဏ်ကို ခံစားနေရသည့်အပြင် ယခုကဲ့သို့ စွမ်းအင်စျေးနှုန်းတက်မှုက အခြေအနေကို ပိုမိုဆိုးဝါးစေသည်။
ဗီယက်နမ်တွင် လောင်စာဆီ သိုလှောင်မှု အကန့်အသတ်ရှိနေသဖြင့် မြို့ပြနေထိုင်သူများ၊ စက်မှုဇုန်များနှင့် လယ်ယာစိုက်ပျိုးရေးကဏ္ဍအကြား အရင်းအမြစ်ခွဲဝေမှုအတွက် ပြိုင်ဆိုင်မှုများပင် ပေါ်ပေါက်လာသည်။
သယ်ယူပို့ဆောင်ရေးနှင့် ကုန်သွယ်မှု အခက်အခဲများ
လောင်စာဆီချွေတာရန်အတွက် ကုန်တင်သင်္ဘောများအား အရှိန်လျှော့မောင်းနှင်နေရသဖြင့် သယ်ယူပို့ဆောင်ရေးမှာ ၁၀ ရက်မှ ၁၅ ရက်အထိ နှောင့်နှေးလျက်ရှိသည်။ အိန္ဒိယနိုင်ငံမှ ဆန်များသည်လည်း ဟော်မုဇ်ရေလက်ကြား အခြေအနေကြောင့် လမ်းကြောင်းပိတ်နေသလို၊ ဖိလစ်ပိုင်နိုင်ငံတွင်လည်း ဒီဇယ်ပြတ်လပ်မှုကြောင့် ကုန်စည်စီးဆင်းမှုများ တုံ့ဆိုင်းနေသည်။
ကမ္ဘာ့မြေဩဇာထုတ်လုပ်မှု၏ သုံးပုံတပုံမှာ အရှေ့အလယ်ပိုင်းမှလာခြင်းဖြစ်ပြီး ယူရီးယား (Urea) မြေဩဇာစျေးနှုန်းမှာ ၇၀ ရာခိုင်နှုန်းကျော် မြင့်တက်သွားသည်။ ပုံမှန်အားဖြင့် တန်ချိန် ၁၀၀ ခန့် သိုလှောင်နိုင်သော ဆိုင်တဆိုင်တွင် ယခုအခါ ၄ တန်ခန့်သာ ကျန်ရှိတော့သည့်အထိ ပြတ်လပ်မှုနှင့် ရင်ဆိုင်နေရသည်။
နိဂုံးချုပ်
အရှေ့အလယ်ပိုင်းစစ်ပွဲသည် ဒေသတွင်းပဋိပက္ခသက်သက် မဟုတ်တော့ဘဲ ကမ္ဘာ့စားနပ်ရိက္ခာကွင်းဆက်ကို အနှောင့်အယှက်ပေးနေသည့် အဓိကအကြောင်းရင်း ဖြစ်လာသည်။ အစားအသောက်စနစ် ကျွမ်းကျင်သူတဦး၏ အဆိုအရ "စနစ်များ ရှုပ်ထွေးလေလေ ပြဿနာများက ပို၍ခက်ခဲလေလေ" ဖြစ်လာသည်ဟု သိရသည်။
ငြိမ်းချမ်းရေးရရှိခဲ့လျှင်ပင် စစ်ပွဲ၏ အကျိုးဆက်များသည် လယ်ယာကဏ္ဍတွင် ဆက်လက်ရှိနေဦးမည်ဟု ခန့်မှန်းထားကြပါသည်။
Comments
Post a Comment